Client လို့ ခေါ်တဲ့ အလုပ်အပ်သူတွေနဲ့ Content Writer တွေအကြား Content Service ကိစ္စ ပြောကြဆိုကြတဲ့အခါ အများအားဖြင့် Content Calendar ဆွဲပေးရုံနဲ့ အဆင်ပြေပါတယ်။ တစ်ခါတလေတော့လည်း Content Pillar အရင်တောင်းလို့ Content Pillar ပေးလိုက်ရတာလည်း ရှိတတ်ပါတယ်။
Content Pillar ဆိုတာ ကိုယ်ရေးတဲ့ Content မှာ ကိုယ်တာဝန်ယူထားတဲ့ Brand က ပေးချင်တဲ့ မက်ဆေ့ချ် သေချာပါဖို့ ကိုယ်ရေးမယ့် Theme နဲ့ Topic ကို ချပြတာမျိုးပါ။
Client က Content Pillar တောင်းတာ အကြောင်းအမျိုးမျိုးရှိပါတယ်။ အဓိကအချက်က Content Writer က ဘယ်အပိုင်းတွေ ဘယ်နှစ်ပုဒ်ရေးမှာလဲ ၊ ဘယ်လိုပုံစံ ဘယ်လိုအကြောင်းအရာမျိုး Focus ထား ရေးမှာလဲဆိုတာကို သိချင်လို့ပါ။
Content Pillar က social media ပေါ် တင်မယ့် ပို့စ်ကို သူ့အပိုင်းနဲ့သူ ခွဲလိုက်ပါတယ်။ Pillar အနေနဲ့ ပြောရရင်
– အရောင်းမြှင့်တင်ရေး Sale or Brand Promotional ( Product & services sale)
– အသိပညာပေး Knowledge Sharing/Educational (Tips, How’s-to လမ်းညွှန်များ)
– ပရိသတ်နဲ့ ပိုထိတွေ့ရေး Engagement (Q&A , Quiz , Photo story)
– စိတ်ခွန်အားမြှင့်ပေးရေး Inspirational (Quotes , Inspiring stories)
– ဖျော်ဖြေမှုပေးရေး Entertaining (Funny & Trendy)
စသည်ဖြင့် လုပ်ငန်းပေါ် လိုက်ပြီး Pillar တွေ အမျိုးမျိုး ခွဲနိုင်ပါတယ်။
ဥပမာ – စားသောက်ဆိုင် Page တစ်ခုမှာဆို
– ဆိုင်မီနူးကြော်ငြာမှု Sale/Brand Promotion
– ဟင်းချက်နည်း လမ်းညွှန် Educational
– ဆိုင် story မျှဝေတာ Inspirational
– အစားအသောက်နဲ့ ဆိုင်တဲ့ Trendy , Funny ပို့စ်လေးဖန်တီးတာ Entertain
စတာတွေကို Pillar သတ်မှတ်ပြီး Pillar အလိုက် အောက်မှာ ရေးမယ့် Theme , Content Type ( ပို့စ်/ဓါတ်ပုံ/Graphic/ဗွီဒီယို) ၊ Post Format နဲ့ အပုဒ်ရေတွေ ပြန်ခွဲထားရတာပါ။
ဒါဆိုရင် Client က Content Pillars တိုင်တွေ ကြည့်ပြီး Pillar တိုင်တွေအောက်မှာ ဘယ်လိုအကြောင်းအရာတွေကို ဘယ်လိုရည်ရွယ်ချက်နဲ့ ဘယ်နှစ်ပုဒ် ရေးမလဲ သိသွားပြီ ဖြစ်ပါတယ်။ ဒီကနေမှ ဘယ်နေ့ ဘယ်ရက်မှာ ဘယ် Pillar က ဘယ်ပို့စ်ကို ဘယ်လိုပုံစံနဲ့ social media ပေါ် တင်ရမလဲဆိုတဲ့ Content Calendar ဆွဲရတာလည်း ပိုလွယ်သွားမှာပါ။
