သတင်းဌာနတွေကရေးတဲ့သတင်းရေးသားနည်းပုံစံနဲ့ ဆိုရှယ်မီဒီယာ (ဒီဂျစ်တယ်ပလက်ဖောင်း) ပေါ်မှာ Content (ကြော်ငြာစာ) ရေးသားနည်းပုံစံက မတူပါဘူး။ ဘာတွေတူပြီးဘာတွေမတူဘူးလဲဆိုတဲ့ အကြောင်းလေး ဒီစာမှာတွေ့ရမှာဖြစ်ပါတယ်။

အရှင်းဆုံးပြောရရင် သတင်းဟာ အချက်အလက် (information) ကိုအခြေခံပါတယ်။ သတင်းရင်းမြစ် (Source) ဆီကရတဲ့ အကြောင်းအရာကို သတင်းတည်ဆောက်မှု (Structure) ပုံစံထဲထည့်ပြီး ကိုယ့်ရဲ့မိ ခင်သတင်းဌာနပုံစံရေးသားကြရတာဖြစ်ပါတယ်။ သတင်းမှာ သတင်းရေးသားသူရဲ့အတွေးတွေ၊ စိတ်ကူး တွေ၊ ထင်မြင်ယူဆချက်တွေ ထည့်ရေးလို့မရပါဘူး။ ဘာက၊ ဘယ်သူက၊ ဘယ်အချိန်၊ ဘယ်နေရာမှာ၊ ဘာ ကြောင့်၊ ဘယ်လို ဆိုတဲ့ ဘခြောက်လုံး (What, Who, When, Where, Why, How) နဲ့ သတင်းကိုတည် ဆောက်ရပါတယ်။ သတင်းစာတွေထဲကသတင်းပဲဖတ်ဖတ်၊ ရုပ်သံဌာနတွေကြေညာချက်ပဲနားထောင် ထောင်၊ အွန်လိုင်းသတင်းဖတ်ဖတ် ပုံစံအားလုံးဟာ ဘခြောက်လုံးအပေါ်အခြေခံပြီးရေးသားကြရပါ တယ်။ သတင်းဌာနရဲ့ကိုယ်ပိုင်ပုံစံလေးကိုသာ အနည်းငယ်ပြောင်းလဲတင်ပြကြရတာဖြစ်ပြီး အားလုံးက တော့ အချက်အလက်အခြေခံရေးသားနည်းတွေပါပဲ။
Content Writing လို့ခေါ်ကြတဲ့ ဆိုရှယ်မီဒီယာပေါ်က ဒီဂျစ်တယ် Content ကတော့ အိုင်ဒီယာ (စိတ်ကူးစိတ်သန်း) ကိုအခြေခံပါတယ်။ ဒီတော့ Content တွေ ရေးသားကြတဲ့အခါမှာ တော့ စိတ်ကူးစိတ်သန်းနဲ့ အချက်အလက်ကိုပေါင်းစပ်ဖန်တီးကြရတာဖြစ်ပါတယ်။ အထူးသဖြင့် အွန် လိုင်းပေါ်ကနေ ဈေးရောင်းတဲ့သူတွေ၊ ကိုယ့် Content ကို အများသူငှာများများဖတ်အောင်ကြိုးစားပြီးဝင် ငွေရှာသူတွေအတွက် Content Writing ဟာ သတင်းရေးသားနည်းထက်အနုပညာပိုဆန်တယ်လို့ဆိုရပါ မယ်။ ဒါကြောင့်မို့ ချစ်တို့ရေ..တို့ ကာကာတို့အတွက်…တို့…မင်မင်တို့က…တို့ အသုံးအနှုန်းပေါင်းစုံကို တွေ့နေရတာပါ။ ဖတ်တဲ့သူကို ဆွဲဆောင်မှုရှိအောင်၊ ကိုယ့်ကုန်ပစ္စည်းကိုဝယ်ချင်လာအောင် စိတ်ကူးစိတ် သန်းနဲ့ အချက်အလက်တို့ ပေါင်းစပ်ရေးသားကြရတာဖြစ်ပါတယ်။ သတင်းရေးတဲ့ပုံစံလို တောင့်တောင့် ကြီးဖြစ်နေလို့မရပါဘူး။



သတင်းရေးသားခြင်းနဲ့ Content Writing (ကြော်ငြာစာရေးသားနည်း) မှာ တူတဲ့အချက်ကတော့ ပရိတ် သတ်စိတ်ဝင်စားအောင်တင်ပြရတာပဲဖြစ်ပါတယ်။ သတင်းမှာဆိုရင်တော့ ပိရမစ်ဇောက်ထိုးလို့ခေါ်တဲ့ ရေးသားနည်းနဲ့တင်ဆက်သလို Content မှာဆိုရင်လည်း Start with the most important thing နဲ့ တင် ဆက်ကြရပါတယ်။ အလွယ်ပြောရရင်တော့ ကိုယ်ပေးချင်တဲ့အကြောင်းအရာကဘာလဲ၊ အဲဒါကိုအရင်ဆုံး ခေါင်းစဉ်မှာရေးသားပြီး ပရိတ်သတ်ကိုအသိပေးတဲ့နည်းပါပဲ။ သတင်းကတော့ စကားပြတ်ပြတ်ပြောတဲ့ လူတစ်ယောက်ဆိုရင် Content Writing ကတော့ စကားကို ချိုချိုကလေးနဲ့လိုရာသိမ်းသွင်းပြောပြတဲ့လူ တစ်ယောက်ပါပဲ။
ဒီတော့သတင်းသမားတွေ Content ရေးတဲ့အခါ လိုတာထက်ပိုပြီးပျော့ပျောင်းရပါတယ်။ အချက်အလက် ကို ဒုတိယနေရာကစဉ်းစားပြီး တင်ဆက်ပုံအရေးအသားအနုအရွကို ပထမနေရာကစဉ်းစားရမှာပဲဖြစ်ပါ တယ်။