လူကြီးမင်းက Content Creator တစ်ယောက်ဆိုပါစို့။
မြန်မာနှစ်ကူး သင်္ကြန်ကာလကိုရောက်ရင် မဖြစ်မနေတင်သင့်တဲ့ Content လေးတွေရှိပါတယ်။ လူကြီးမင်းရဲ့ Content Calendar ထဲမှာ အောက်ပါ Content တွေကိုထည့်ခြင်းအားဖြင့် ရာသီစာ Content လေး တွေ တင်ဆက်နိုင်မှာဖြစ်ပါတယ်။
(၁) နှစ်ကူးဆုတောင်း
လတိုင်းအခါကြီးရက်ကြီးတွေ၊ အထိမ်းအမှတ်နေ့တွေမှာ ဆုတောင်းစာတွေတင်သလိုပဲ သင်္ကြန်ကာလ ကိုလည်း နှစ်သစ်ဆုတောင်းပို့စ်တစ်ခုဖန်တီးသင့်ပါတယ်။ မြန်မာနှစ်ကူးအခါသမယမှာ ကျန်းမာရွှင် လန်းပါစေကြောင်း (…….) မိသားစုကဆုမွန်ကောင်းတောင်းလိုက်ပါတယ်ဆိုတာမျိုးကတော့ နှစ်စဉ် တင်သွားသင့်တဲ့ Content တစ်ခုဖြစ်ပါတယ်။
(၂) သင်္ကြန်ပရိုမိုးရှင်း
အခြားကာလကို ပရိုမိုးရှင်းမပေးရင်နေပါ။ မြန်မာနိုင်ငံမှာဖြစ်တဲ့အတွက် မြန်မာနှစ်ကူးအတာကူးမှာတော့ ပရိုမိုးရှင်းလေးပေးသင့်ပါတယ်။ ဝန်ဆောင်မှုပေးနေတဲ့လုပ်ငန်းပဲဖြစ် ဖြစ်၊ ထုတ်ကုန်ရောင်းတဲ့လုပ်ငန်းပဲဖြစ်ဖြစ် သက်ဆိုင်ရာ ပရိုမိုးရှင်းလေးတွေကို နည်းနည်းပဲဖြစ်ဖြစ် ပေးသင့်ပြီး ပို့စ်တစ်ခုအဖြစ်ဖန်တီးသင့်ပါတယ်။
(၃) သင်္ကြန်နဲ့သက်ဆိုက်တဲ့ ဉာဏ်စမ်း
အကယ်၍ ကား၊ အိမ် စတဲ့ တန်ဖိုးကြီးပစ္စည်းရောင်းတဲ့လုပ်ငန်းမို့လို့ ပရိုမိုးရှင်းမပေးနိုင်ရင်တောင် သင်္ကြန်နဲ့နွယ်လို့ပဲဖြစ်ဖြစ်၊ လူကြီးမင်းတို့ရဲ့ထုန်ကုန်နဲ့ပတ်သက်လို့ပဲဖြစ်ဖြစ် ဒီကာလမှာ အမှတ်တရလက်ဆောင်လေးတစ်ခုခုတော့စီစဉ်ပေးသင့်ပါတယ်။ အလှူဒါနနဲ့ပတ်သက်တဲ့ ကာလည်းဖြစ်နေလို့ပါ။ ဒီတော့ထုတ်ကုန်အကြောင်း Quiz လေးတွေလုပ်ပြီး လက်ဆောင်လေး တွေပေးကြည့်ပါ။
(၄) သင်္ကြန်ဆိုင်ရာ အသိပညာပေး (Awareness) ပို့စ်တင်ခြင်း
ပြည်တွင်းလုပ်ငန်းတစ်ရပ်အနေနဲ့ သင်္ကြန်ဆိုတာဘာလဲ၊ သင်္ကြန်ကာလဘာတွေလုပ်ကြသလဲ၊ သင်္ကြန်သမိုင်း အစရှိတဲ့ အသိပညာပေးဆိုင်ရာလေးတွေကို လူကြီးမင်းရဲ့ ပေ့ချ်ကနေတင်ဆက် ကြည့်ပါ။ အမြဲတမ်းဈေးရောင်းနေရင် လူကြီးမင်းရဲ့ ပေ့ချ်ကို တစ်ချိန်လုံးဈေးရောင်းနေတဲ့ ပေ့ချ်အဖြစ်သာမြင်သွား ကြမှာဖြစ်ပြီး အသိပညာပေးလေးတွေ၊ ဉာဏ်စမ်းလေးတွေကို မကြာမကြာတင်ပေးနိုင်ရင်တော့ ဈေးလည်းဝယ်၊ အခြားရသစုံဗဟုသုတလည်းရနိုင်တဲ့ပေ့ချ်အဖြစ် ဆိုရှယ်မီဒီယာသုံးသူတွေက စိတ်ထဲထင်ကျန်နေမှာပါ။ ကိုယ်က ကာစတန်မာအိတ်ထဲကပိုက်ဆံကိုအမြဲယူနေတာမျိုးမဟုတ်ဘဲ ကာစတန်မာကို အသိပညာပေးလေးတွေလည်း တင်ဆက်ပေးနေတယ်ဆိုတဲ့ အမြင်မျိုးရစေချင်တာပါ။
(၅) Branding ပြုလုပ်ခြင်း
သင်္ကြန်အတွင်းမှာ လုပ်ငန်းမလုပ်ပေမဲ့ သင်္ကြန်အတွင်းလာ Hi တဲ့သူဆိုရင် လုပ်ငန်းပြန်ဖွင့်တဲ့အခါ ဘယ်လိုအခွင့်အရေးလေးရမယ်၊ ဘယ်လိုအကျိုးခံစားရမယ် ဆိုတာမျိုး သင်္ကြန်နဲ့ဆက်နွယ်ပြီး Branding ပြုလုပ်သင့်ပါတယ်။ ဒါဟာ Trend နောက်ကိုလိုက်တာပါပဲ။ Entreoreneurshipabox ဝက်ဘ်ဆိုက်ရဲ့ဖော်ပြချက်အရတော့ Trend နောက်ကိုလိုက်ခြင်းဟာ ကောင်းမွန်တဲ့ လုပ်ငန်းအကျိုးရလာဒ်ကိုရစေတယ်၊ trend ကိုနားလည်ခြင်းဟာ ဒီနေ့ဘာဖြစ်သလဲ၊ မနက်ဖြန်ဘာဖြစ်နိုင်သ လဲဆိုတာကိုလည်းခန့်မှန်းသိရှိနိုင်မယ်၊ trend ကိုနားလည်ခြင်းဟာ နောက်လိုက်မဖြစ်ဘဲခေါင်းဆောင်ဖြစ် နိုင်တယ်၊ trend ဟာ အချိန်နဲ့တစ်ပြေးညီတဲ့ လုပ်ငန်းအိုင်ဒီယာကိုရစေတယ် လို့ ညွှန်းဆိုဖော်ပြထားပါတယ်။
ဖော်ပြပါ (၅) ချက်ကို လိုက်လုပ်ကြည့်ရင်း ဘယ်လောက်ထိရောက်မှုရှိမရှိစမ်းသပ်ကြည့်ရအောင်ပါ နော်။
