Facebook ပေါ်မှာ တော်တော်များများက စာရှည်ကြီးဖတ်ဖို့ လက်တွန့်တတ်ကြပါတယ်။ Content Writer တွေအနေနဲ့ စာရှည်မဖတ်ချင်သူတွေအတွက် Content တွေဖန်တီးမယ့်နည်းလမ်းထဲမှာ Infographics အမျိုးအစားဟာ အရွေးချယ်သင့်ဆုံးထဲကတစ်ခုပဲဖြစ်ပါတယ်။
Infographics ဆိုတာဘာလဲ
သတင်းအချက်အလက်နဲ့ ရုပ်ပုံကိုပေါင်းစပ်ထားတာဖြစ်လို့ Infographics ဆိုပြီးခေါ်ဆိုကြတာဖြစ်ပါ တယ်။ Infographics တွေဟာ ရှင်းလင်းတယ်၊ ကြည့်ရလွယ်ကူတယ်၊ စာဖတ်စရာမလိုဘူး၊ အရုပ်နဲ့စာ နဲ့ကိုတွဲရက်တစ်ခါတည်းမြင်ရတယ်။ ဒါကြောင့် လူကြိုက်များပါတယ်။ အထူးသဖြင့် ပုံကြည့် လိုက် စာဖတ်လိုက်မလုပ်ချင်တဲ့သူတွေအတွက် တစ်ခါတည်းနဲ့ရှင်းရှင်းလင်းလင်းသိနိုင်အောင်ပြသပေး နိုင်ပါ တယ်။
Infographics အတွက် Content သမားက အချက်အလက်အရင်စုပြီး သူလုပ်ချင်တဲ့ပုံစံကို ဂရပ်ဖစ် ဒီဇိုင်းနာကို ပြောပါတယ်။ အဲဒီနောက် ဂရပ်ဖစ်ဒီဇိုင်းနာအိုင်ဒီယာနဲ့ပူးပေါင်းပြီး Infographics ကောင်း တစ်ခုကို ထုတ်လုပ်ဖန်တီးတတ်ကြပါတယ်။
Content Writer နဲ့ Designer တို့ ပေါင်းပြီးဆောင်ရွက်ရတာဖြစ်လို့ သူတို့နှစ် ယောက်ရဲ့ အချိတ်အဆက်မိမှု၊ မျှတတဲ့အိုင်ဒီယာတွေလိုအပ်ပါတယ်။ အချိန်လည်းပေးရပါတယ်။
Facebook နဲ့ LinkedIn တို့ဟာ Infographics အတွက်အကောင်း ဆုံး ရွေးချယ်စရာ ပလက်ဖောင်း တွေဖြစ် ပါတယ်။ Twitter ကတော့ ဒုတိယအသုံးသင့်ဆုံးနေရာပါ။
