ဆိုကြပါစို့။

လူကြီးမင်းက ငါးပိနဲ့ပတ်သက်တဲ့ ထုတ်ကုန်တစ်ခုအကြောင်းကို Content (ကြော်ငြာစာ) ရေးရတော့မယ့် Content Writer ပေါ့။ ဒါဆို ဘယ်ကနေ စပြီးရေးမလဲဆိုတာလေးကို Mr Content နဲ့အတူ လိုက်ရေးကြည့်ကြရအောင်ပါ။

နံပါတ် (၁) ထုတ်ကုန်အကြောင်းအရင်လေ့လာပါ

လူကြီးမင်းရေးရမယ့် ငါးပိထုတ်ကုန်ဟာ ငါးပိရေကျိုလား၊ မျှင်ငါးပိလား၊ ငါးပိထောင်းလား၊ ငါးပိကောင် လား၊ ငါးပိကင်လား၊ ငါးပိဖုတ်လား၊ ဘာငါးအမျိုးအစားနဲ့လုပ်ထားတာလဲ၊ ကုန်ကြမ်းဘယ်ကရသလဲ၊ လက်လုပ်လား၊ စက်လုပ်လား စသည်ဖြင့် ငါးပိထုတ်ကုန်အကြောင်းစုံကိုအရင်ဆုံးလေ့လာမှတ်တမ်းပြုရမှာဖြစ်ပါတယ်။ ရလာတဲ့အ ချက်လေးတွေကို စာအုပ်လေးတစ်အုပ်မှာ ချရေးထားပါ။ အကြမ်းဖျင်းအားဖြင့်တော့ ထုတ်ကုန်နာမည်၊ သက်တမ်း (Expire date), ဘယ်ဒေသကထုတ်သလဲ၊ ဘယ်နေရာတွေမှာဝယ်လို့ရသလဲ၊ ဘာကြောင့် စားသုံးသူတွေဝယ်စားသင့်တာလဲ၊ ဘယ်လိုပုံစံထုတ်လုပ်တာလဲ စတဲ့ အချက် (၆) ပါရမှာပါ။ ဂျာနယ် လစ်ဇင်အရ ဘခြောက်လုံးပေါ့။

နံပါတ် (၂) Bullet Point (အားသာချက်) ရွေးထုတ်ပါ

ထုတ်ကုန်အကြောင်းသေချာလေ့လာသိရှိပြီးပြီဆိုရင်တော့ အများနဲ့မတူတဲ့အားသာချက်ဘာရှိသလဲဆို တာကို ရွေးထုတ်လိုက်ပါ။ ဉပမာ လက်ထောင်းမျှင်ငါးပိဖြစ်တာ၊ ပင်လယ်ရေနက်ကျွန်းကရတဲ့မျှင်ကိုပဲ ရွေးချယ်ပြီးထောင်းထားတာ၊ အရွယ်တူငါးတွေကိုပဲရွေးချယ်ပြီးထုတ်လုပ်ထားတာ စသည်ဖြင့် သူ့ရဲ့ အများနဲ့မတူတဲ့ ထူးခြားချက်ကိုရွေးထုတ်ပါ။

နံပါတ် (၃) ခေါင်းစဉ် စပြီးရွေးပါ

Content တိုင်းမှာ ခေါင်းစဉ်မပါလို့မဖြစ်ပါဘူး။ ဒါကြောင့် ခေါင်းစဉ်ကနေ စပြီးရေးသားကြရမှာဖြစ်ပါ တယ်။ ခေါင်းစဉ်ရွေးတဲ့အခါ ဒီနည်းလေးသုံးပါ။ နံပါတ် (၂) မှာရွေးထုတ်ခဲ့တဲ့ Bullet Point တွေထဲက အားသာချက်အရှိဆုံးလို့ထင်ရတဲ့အချက်ကို ခေါင်းစဉ်အနေနဲ့ဖန်တီးလိုက်ပါ။ ဉပမာ – “ပင်လယ်ရဲ့ဟိုးရေနက်ကျွန်းကရတဲ့ မျှင်တွေနဲ့သာ ထုတ်လုပ်တဲ့ ငါးပိ” “အချစ်တွေအပြည့်ပါတဲ့လက်နဲ့ ထောင်းထားတဲ့မျှင်ငါးပိ” စသည်ဖြင့်ပေါ့။ အဓိက ကတော့ ရှည်မနေရပါဘူး။ လိုတိုရှင်း၊ တစ်ချက်ကြည့်ရုံနဲ့ မှတ်မိစေမယ့်ခေါင်းစဉ်ဖြစ်ဖို့လိုပါတယ်။

နံပါတ် (၄) အရေးအကြီးဆုံးအရာကနေ စတင်လိုက်ပါ

ခေါင်းစဉ်ရေးပြီးတာနဲ့ လူကြီးမင်းရဲ့ Content ကို စတင်လိုက်ပါတော့။ ရေးရမယ့်ပုံစံကတော့ ခုနက Bullet Point တွေထဲက အရေးအကြီးဆုံးထင်ရတဲ့အရာကို အရင်ဆုံးရေး၊ ဒုတိယအရေးကြီးဆုံးအရာ ကို ဒုတိယရေး၊ တတိယအရေးအကြီးဆုံးအချက်ကို တတိယစာကြောင်းရေး အဲလိုမျိုးအဖျားလေးရှုးပြီးရေး ကြည့်ပါ။ အဓိကကတော့ အချိန်ရတဲ့သူကတော့ Content ကိုအဆုံးထိဖတ်နိုင်ပြီး အချိန်မရတဲ့သူက တော့ အရေးအကြီးဆုံးအပေါ်စာပိုဒ်လေးတွေကိုဖတ်ရုံနဲ့လုံလောက်သွားအောင်ပေါ့။ ဒါကို ပိရမစ်ဇောက် ထိုးရေးနည်းပုံစံအဖြစ်နဲ့ သတင်းတွေမှာတွေ့ရပါလိမ့်မယ်။

နံပါတ် (၅) CTA ထည့်ပါ။

စိတ်ကူးဉာဏ်ကွန့်မြူးသလိုစိတ်ကြိုက်ရေးပြီးရင်တော့ နောက်ဆုံးမှာ Call to Action (CTA) ထည့်ရမှာ ဖြစ်ပါတယ်။ ဒီလိုကွာလတီကောင်းတဲ့ ငါးပိအမျိုးအစားကိုတော့ ဖုန်းနံပါတ်ဘယ်လောက်၊ ဘယ်လိပ်စာ မှာ ဝယ်ယူရရှိနိုင်ပါပြီဆိုပြီး လိပ်စာ၊ ဆက်သွယ်ရမယ့်ဖုန်းကိုထည့်ပြီး Content လေးကို ပိတ်လိုက်ပါ။ ဒါ ဆိုရင်တော့ ငါးပိအကြောင်း Content တစ်ပုဒ်ရပြီပေါ့ခင်ဗျာ။